Portal Guaraní - JUAN ORTIZ CHÁVEZ

Taguapy sapy’ami
tañatoi che mbaraca.
Che kuguygui tayora
purajhéi avañe’e.
Obrajero rekove
jhi’aitégui amombe’u,
amyangekói che ayptu’u
jha inteligencia jhendive.

Kuatiare tarayá,
letrami tomombe’u
obrajero mboriajhu
aragán mongarujha.
Ñati’u jha karacha
ore ruguyrejhe okambu.
Jha ichupekuéra omoiru
pytagua tombo jhyru.

Pejhendu mburuvicha
mburiajhúpe pe medíaba,
Paraguay rupi péikóva
auto pyajhúpe peguata.
Napeñandúi necesidad
rosufriva mombyry.
Ore ry’ai romondyky
pytagua rembi’ura.

Paraguay yeko ñande.
Leónmi ñane bandera.
Jha pytagua oimeraeva
rembiaguáiramo yaiko.
Yvyra ku yaipiro:
oroite imba’erakuéra.
Jha ñande tembiguái véva
tembi’ure ñamba’apo.

Obrajéro mboriajhu
guayayvíre oyetiráva,
oroite pype osellaba
pytagua toisyryku.
Aka pytake taipu,
producción toyejhecha.
Anianga ña tangea.
Aragán ñande su’u.

Yayeity katu aiporo
al trabajo sin desmayo,
con sudor y sacrificio
pytagua ñambo viru.
Ibolsillo ñambovu
armamento repyra,
ko’ero toyevolea
ñaneretarejha toiporu.

Ema’ena che reta
nemembyrejhe mombyry
jha anive ko kuarajhy
jhakuetéva ore yope.
Yugoguygui torose
ta ore peyu umi yvytu,
ore jyva topytu’u
ndéve guara taimbarete.

Apevénte tañe’e,
che kumi ikane’oma.
Péina ápe amombe’úma
obrajero rekove.
Ysyrype ame’e
tomyasai ko arapýre,
jheñoiva ko che kuguygui
purajhei avañe’e.