MENDAJE JUAYHU
I
Ere vaekue niko chéve
Sédape roñuã vaerã.
¡Sabana mbyky che ári!
¡Ro'y ha atarará!
.
Ere vaekue niko chéve
Fideo po'i ndéve guarã.
¡Ndahecháiko che aipóva!
Make locro ha rora.
.
Ere vaekue niko chéve
Ndéko kochepe guarã.
¡Yvyrupi che mondova
Plásape so'o jogua!
.
Ere vaekue niko chéve
Jaguata domingo kue.
¡Kosina, entre semána,
Ha ýpe cada arete!
.
Ere vaekue niko chéve
Rohecharõ che jora.
Upérire che recharõ
Resẽma rejererova!
II
Ha'e vaekue niko ndéve
Nde laya aikuaá mboyve,
Rohechávo tupaógui
Resẽvo ko'ẽ jave.
.
Ha'e vaekue niko ndéve
Bailehápe pyhare:
"Rohayhu ha'erõ ndéve
Ha nde ere chéve ¡tove!
.
Ha'e vaekue niko ndéve:
"Amendáne nderehe"
Aimo'ãgui rerekóne
Heta la pira pire!...
Ha'e vaekue niko ndéve:
"Javy'ane oñondive"
Upégui katu ahecháma
Solteromi icuentave.
III
Jajuayhurõ javy'a
Mboriahúramo jepe.
Ajeve ainupa che akã
Nde pochyrõ chendive.
.
Fuente: ANTOLOGÍA DE LAS MEJORES POESIAS EN GUARANÍ. Selección e Introducción: RUDY TORGA. Editorial El Lector, Asunción-Paraguay, 1998 (pp.214)