PortalGuarani.com
Inicio El Portal El Paraguay Contáctos Seguinos: Facebook - PortalGuarani Twitter - PortalGuarani Twitter - PortalGuarani
TADEO ZARRATEA

  MAINUMBY PYTĂ y IPOYHU PORE (Poesías de TADEO ZARRATEA)


MAINUMBY PYTĂ y IPOYHU PORE (Poesías de TADEO ZARRATEA)

MAINUMBY PYTĂ y IPOYHU PORE

Poesías en Guarani de TADEO ZARRATEA

 

 

 

MAINUMBY PYTĂ


Mainumby pytă

Yvoty poty.

Ysapy rekávo reikóva ndepeporyapu.

Ysyry ypy, guata katuete,

ava rete kuápe remombo rerúva kambysy yma.

Ytu guasuete. Ysau raity. Yvu ypykue.

Yvytu memby nde pepo rague.

Yvy potymi. Tekove yta.

Rekambuvaipo yvága yguápe, ańeporandu.

Mamóguitepa mbarete reru

ajeve ramo ku ndereikuaái tapytu'umi.

Mbiriki ryapu.

Ava mbaraka rekuchupa’ỹva.

Angekói ryru. Angata rupa remumu mantéva.

Retytýi asýva kerasy poguýpe.

Ipáy, ikeguýpe, ikéra mbytére reńangarekóva

kerambu reípe.

Ani nekangy. Ani repyta.

Tove tekove taipotykuru, taipotyjera.

Kerasy ńańa ani rembyaty.

Toikovemive.

Ikerayvoty tokakuaave.

Pe yvy guata neremimoingo

topukavymi omano mboyve.

 

TADEO ZARRATEA





IPOYHU PORE

 

Tenonderete ńembokihare

ahayhu vai nipóne yma.

Ahayhu hesa, hembe, hetyma.

Tenonde hova.

Ahayhu heko ha opa iguata.

Héra ahenduse ku  manterei.

Hógape ahase ahendu ipuka.

Hapére aguata, aiko, aiko rei.

Che akă hakupa ahenói hague.

Inambi ambyaku pyhare rei.

Hendami rekávo che kéra aguata.


Upéramo aiko yvate voi.

Yvytu hory...

Tekove hovyngy.

Hayvi  mandu'a.

Hendy mborayhu.


Ha upéi katu,

hoky, hovana, kerasy vai.

Havẽ mandu'a.

Osapy ipuka. Hova ońopymi.

Ogue ńepyrũ, ogue mbeguemi.

Ohórő ohove, ha ańandu vai.

Ipohýita voi tekove nandi

gueroguatave,

henyhẽ rire ichugui meme.


Tesarái hagẽ, ohapy hova.

Hypa ipukavy.

Ogue hataindy, yvytúre oho.

Ndohopa va'ercăi. Amuńamive.

Mandu'a ipokă, ou ha oho.

Huguáire apo, ańekarama.

Aipyhy poră. Aryrýi hese

ani  ikusugue.


Ha upérő atopa

ndahayhúi hesa.

Ndahayhúi hembe.

Ndahayhúi hete.

Mandu'ántema ahayhu ra'e.

Aramboha ári ipotypa va'ekue.


Ha péina ăga ápe.

Ăgaite peve.

Che ánga rováre,

pytărovyngy.. .

ipoyhupore.


TADEO ZARRATEA




Fuente:

ŃE’ẼPOTY ATY – VOCES DE POETAS EN GUARANÍ

por FELICIANO ACOSTA y

NATALIA KRIVOSHEIN DE CANESE

Editorial Servilibro, Asunción-Paraguay 2005





 

ENLACE INTERNO A ESPACIO DE VISITA RECOMENDADA

EL IDIOMA GUARANÍ, BIBLIOTECA VIRTUAL en PORTALGUARANI.COM


(Hacer click sobre la imagen)

 






Leyenda:
Solo en exposición en museos y galerías
Solo en exposición en la web
Colección privada o del Artista
Catalogado en artes visuales o exposiciones realizadas
Venta directa
Obra Robada




Buscador PortalGuarani.com de Artistas y Autores Paraguayos

 

 

Portal Guarani © 2024
Todos los derechos reservados, Asunción - Paraguay
CEO Eduardo Pratt, Desarollador Ing. Gustavo Lezcano, Contenidos Lic.Rosanna López Vera

Logros y Reconocimientos del Portal
- Declarado de Interés Cultural Nacional
- Declarado de Interés Cultural Municipal
- Doble Ganador del WSA